Salkehtimmie
Salkehtimmie
Salkehtimmie
Healsoedirektoraaten Nasjonaale faageles njoelkedassh demensen bïjre gååvnesieh dej nedtesæjrojne «Nasjonale faglige retningslinje». Juktie kognitijve biehtemem jïh demensem saemien aalkoealmetji luvnie salkehtidh, jïjtsh juvnehtimmieh leah dorjesovveme. Juktie krïevenasside dåastodh eensi salkehtimmien bïjre jïh hijven båehtjierdimmien/ dåarjoehtimmien bïjre dellie joekoen vihkeles healsoe- jïh hoksebarkijh daajroem utnieh kultuvren jïh fuelhkien viermien bïjre jïh guktie almetje healsoem, skïemtjelassem jïh båehtjierdimmiem guarkoe.
Saemien aalkoealmetjh gosse demensem sovmehte.
Juktie krïevenasside dåastodh eensi salkehtimmien jïh hijven båehtjierdimmien / dåarjoehtimmien bïjre dellie joekoen vihkeles healsoe- jïh hoksebarkijh daajroem utnieh saemien kultuvren jïh fuelhkien viermien bïjre jïh guktie almetje healsoem, skïemtjelassem jïh båehtjierdimmiem guarkoe.
Akte tjarke juvnehtimmie Nasjonaale faageles njoelkedassine demensen bïjre, almetjh saemien kultuvremaadtojne jïh gosse demensem sovmehte, byöroeh salkehtimmiem sjïerehealsoedïenesjisnie åadtjodh gosse gïele, ööhpehtimmiedaltese jïh /jallh kultuvre lea akte heaptoe salkehtæmman aalkoehealsoedïenesjinie, jalhts tjïerteste saemien kultuvremaadtoe oktegh ij leah akte jïjtse krïevenasse juktie sjïerehealsoedïenesjisnie salkehtidh. Årrode tsåatskeles toelhkedïenesjh maehtieh daerpies årrodh.
Gaervies salkehtimmien, diagnostihken jïh/jallh båehtjierdimmien mænngan aalkoehealsoedïenesje edtja dam guhkiebasse dåarjoehtimmiem vaeltedh, maaje tjïertestamme dåaresthfaageles dåehkine / koordinatovrine, åvtelen sjïerehealsoedïenesje gaskesem tjöödtjeste. Dåaresthfaageles dåehkie /koordinatovre byöroe faalenassem vedtedh lïhke dåarjoehtimmien bïjre guhkiebasse.
Sjyöhtehke salkehtimmiedïrregh saemien gïelesne jïh bïhkedassh juktie teesth reeredh, jïh toelhkestimmie teesteilledahkijste basaale jïh vijriedamme salkehtimmesne, vuartesjh prosjektem Aldring og helse nedtesæjroeh https://www.aldringoghelse.no/skalaer-og-tester/. Kognitijve goerehtallemedïrregh MMSE-NR3 leah jarkoestamme noerhtesaemien gïelese jïh RUDAS bæjhkoehtamme sjædta 2019.